|
|
|
Áframhaldandi uppbygging á Stúdentagörðum |
 |
Þann 30. desember s.l. voru opnuð tilboð í nýja stúdentagarða Félagsstofnunar stúdenta við Sæmundargötu á Vísindagarðareit. Um er að ræða fjögur hús með tæplega 300 íbúðum fyrir pör og einstaklinga, alls um 12.000 m2, sem rísa munu á reitnum milli Oddagötu, Sturlugötu og Eggertsgötu.
Að undangengnu forvali voru fjórir aðilar valdir til að taka þátt í alútboði en Hornsteinar arkitektar og Sveinbjörn Sigurðsson ehf áttu vinningstillöguna.
Ein meginkrafan sem sett var í hönnunarsamkeppninni af hálfu Félagsstofnunar stúdenta og borgaryfirvalda var sú að húsin fjögur væru ólík að yfirbragði til að forðast einsleitni, enda um hjarta háskólasvæðisins að ræða og ljóst er að byggingarnar munu setja sterkan svip á háskólalífið.
Sýning á þeim fjórum lausnunum sem bárust hefur verið sett upp á 1. hæð Háskólatorgs. Mun hún verða til sýnis til 27. janúar en byggingaframkvæmdir hefjast í vor.
|
|
|
|
|
Ekki hylja glugga með svörtu plasti eða slíku |
|
|
Af gefnu tilefni viljum við benda íbúum á að ekki má nota svarta plastpoka eða annað þess háttar til að byrgja glugga á íbúðum ykkar.
Í sólskini myndast mikill hitamismunur í glerinu og algengt er að rúður springi í gluggum sem eru huldir svörtu plasti.
Íbúar sem að þetta gerist hjá, verða gerðir ábyrgir fyrir þeim kostnaði sem hlýst af því að skipta þarf um gler.
|
|
|
|
|
Nýjar fjölskylduíbúðir |
|
|
|
Nýjasta viðbótin við Stúdentagarðana eru Skógargarðar, fjölskyldugarðar í Fossvoginum. Þar eru samtals 80 íbúðir, þar af eru 33 tveggja herbergja (60 m2) og 47 þriggja herbergja (72 m2) fjölskylduíbúðir. Til að sækja um íbúð við Skógarveg skal sótt um tveggja eða þriggja herbergja fjölskylduíbúð.Teikningar af íbúðum og leiguverð er að finna á vefnum undir "íbúðir". Skógarvegur er í Fossvogi, vestanmegin við Borgarspítalann í skjólsælu og grónu hverfi. Stutt er í verslun og þjónustu og strætisvagnar stoppa skammt frá. Hjólreiðastígur liggur úr hverfinu, framhjá Öskjuhlíð og Nauthólsvík og meðfram sjónum alla leið á háskólalóðina.
|
|
|
|
|
Vantar þig námsmannaíbúð í Garðabæ ? |
|
|
|
Stúdentagarðar sjá um útleigu á 14 námsmannaíbúðum fyrir Garðabæ sem eru staðsettar að Arnarási 9-11 í Garðabæ.
Um er að ræða 4 stúdíóíbúðir 45,5 m2, leiga á mán. 76.708 kr og hiti 2.790 kr, 6 tveggja herbergja íbúðir 54,2 m2,leiga á mán. 86.842 kr og hiti 3.161 kr, og 4 þriggja herbergja íbúðir 71,5 m2,leiga á mán. 103.914 kr og hiti 3.935 kr.
Leiguverð er hér birt miðað við vísitölu neysluverðs þann 1. október 2011, 383,3 stig.
Innheimt er sérstaklega fyrir rafmagnsnotkun samkvæmt mæli og internettenging fylgir ekki með íbúðunum.
|
|
|
 |
|
|
|
|
Námsframvinda |
|
|
|
Samkvæmt úthlutunarreglum Stúdentagarða þurfa íbúar að skila a.m.k. 40 ECTS á skólaárinu (haust- og vormisseri samanlagt) þar af a.m.k. 12 ECTS á haustmisseri til að hafa rétt á áframhaldandi leigusamningi. Eftir haust og vorpróf skoðar skrifstofa Stúdentagarða einingastöðu íbúa og athugar hvort viðkomandi uppfylli tilskilin einingarfjölda. Íbúum er bent á að lesa úthlutunarreglur á heimasíðu Stúdentagarða undir umsókn, reglur. |
|
|
|
|
|
